ထေရဝါဒနှင့် ဝသုန္ဓရေမြေစောင့်နတ်

   ''မာန်ယစ်တဲ့ ရန်စစ်တွေသည်...ဆံညှစ်ရေကြောမှာ မျောလေပြီ...''
    စာရေးသူတို့ကလေးဘဝကတည်းက နားရည်ဝနေသော သီချင်းတစ်ပုဒ်၊ သီချင်းကို နားရည်ဝသလို ဇာတ်လမ်းကိုလည်း စွဲလန်းမိသည်။ နှစ်သက်မိသည်။ ဝသုန္ဓရေ မြေစောင့်နတ်သည် စာရေးသူကို ငယ်စဉ်ကတည်းက လွှမ်းမိုးနေသူ ဖြစ်ပါသည်။ ဗြဟ္မာမင်း၊ သိကြားမင်း၊ နဂါးမင်းတို့ပင် ကြောက်လန့်ထွက်ပြေးရသော မာရ်နတ်ကို အနိုင်ယူသူဖြစ်သဖြင့် အထင်လည်း ကြီးမိပါသည်။ ထို့ကြောင့် ကောင်းမှုကုသိုလ်တစ်ခု ပြုတိုင်း မြေစောင့်နတ်ကို တိုင်တည်မိပါသည်။ သို့သော် ထိုနတ်ကို ယောက်ျားလား၊ မိန်းမလားဟု မစူးစမ်းမိခဲ့။ ယခု လေ့လာကြည့်သောအခါ နတ်သမီးပုံကိုလည်း တွေ့ရ၏။ နတ်သားပုံကိုလည်း တွေ့ရ၏။  မည်သည်က အမှန်ဖြစ်သည်ကို မိမိအနေဖြင့် မဝေခွဲနိုင်။ ထို့ကြောင့် လက်လှမ်းမီသမျှ ရှာကြည့်ရာ ဗုဒ္ဓဝံသအဋ္ဌကထာတွင် အောက်ပါအတိုင်း တွေ့ရ၏။
    ဘုရားအလောင်းတော်သည် ဘုရားဖြစ်မည့် (မဟာသက္ကရာဇ် ၁ဝ၃-ခု၊ ကဆုန်လပြည့်၊ ဗုဒ္ဓဟူး) နေ့ ညနေချမ်းအချိန်တွင် ဗောဓိပင်၏အရှေ့ အပရာဇိတပလ္လင်ထက်၌ ''ဘုရားမဖြစ်သမျှ ငါမထ'' ဟူသော အဓိဋ္ဌာန်ဖြင့် ထက်ဝယ်ဖွဲ့ခွေ ထိုင်နေတော်မူ၏။ ထိုစဉ် ဝသဝတ္တီမာရ်နတ်က ''သိဒ္ဓတ္ထမင်းသားသည် ငါ၏နယ်ပယ်(ဘုံသုံးပါး)မှ လွတ်မြောက်လိုသူဖြစ်သည်။ ငါသည် သူ့ကို လွတ်မြောက်ခွင့်မပေးနိုင်''ဟု ကြံကာ သူ၏နတ်စစ်သည်များကို ခေါ်၍ လာ၏။
    နတ်စစ်သည်အင်အားမှာ မာရ်နတ်၏ ရှေ့မှ ၁၂-ယူဇနာ၊ လက်ယာဘက်မှ ၁၂-ယူဇနာ။ လက်ဝဲဘက်မှ ၁၂-ယူဇနာ။ အထက်၌ ၉-ယူဇနာ ရှိ၍ နောက်မျက်နှာကမူ စကြဝဠာတိုက် အဆုံးအစွန်း တိုင်အောင် များပြားလှ၏။ ယင်းစစ်တပ်ကြီး၏ ကြိမ်းမောင်းအော်ဟစ်သံကို ယူဇနာတစ်ထောင် ဝေးကွာသော အရပ်မှစ၍ မြေပြိုသောအသံကဲ့သို့ ကြားရလေ၏။ သူ့ကိုယ်တွင် လက်ရုံးတစ်ထောင် ဖန်ဆင်း၍ လက်ရုံးတိုင်းတွင်လည်း လက်နက်အသီးသီးကို ကိုင်ဆောင်ထားပြီး ဂိရိမေခလဆင်ကို စီးကာ နတ်စစ်သည် များစွာခြံရံလျက် ရောက်လာ၏။
    မာရ်နတ်လာသောအခါ ဘုရားအလောင်းတော်အနီးတွင် ပူဇော်ရန် ရောက်ရှိနေကြသည့် သိကြားမင်းသည် သူမှုတ်နေသော ဝိဇယုတ္တရခရုသင်းကို ကျောပိုးလျက် ပြေး၍ စကြဝဠာတိုက်အနားစွန်း၌ ရပ်နေ၏။မဟာဗြဟ္မာမင်းက ထီးဖြူကို စကြဝဠာတိုက်အစွန်း၌ ပစ်ချကာ ဗြဟ္မာ့ပြည်သို့ ပြန်ပြေး၏။ ကာဠနဂါးမင်းက နဂါးမတို့ကို ချန်ထား၍ မဉ္ဇေရိကနဂါးဗိမာန်သို့ ပြန်ပြေးကာ မျက်နှာကို လက်ဖြင့်ပိတ်လျက် အိပ်နေ၏။ ဤသို့လျှင် အားလုံးပြေးကြရာ ဘုရားအလောင်းတော်အနီးတွင် တစ်ဦးတစ်ယောက်မျှ မရှိတော့ပေ။
    ဘုရားအလောင်းတော်၏ဘေးတွင် မည်သူတစ်ဦးတစ်ယောက်မျှ ရှိမနေတော့မှ မာရ်နတ်က ဘုရားအလောင်းတော်အား လက်နက်ကိုးမျိုးဖြင့် တိုက်ခိုက်၏။ တိုက်ခိုက်၍ မရသောအခါ သူ့စစ်တပ်ကို '' အဘယ့်ကြောင့် ရပ်နေကြသနည်း၊ ဤသိဒ္ဓတ္ထကို ဘုရားမဖြစ်အောင်လုပ်ကြ၊ ဖမ်းကြ၊ သတ်ကြ၊ ဖြတ်ကြ၊ မလွတ်စေနှင့်''ဟု အမိန့်ပေး၏။ သူကိုယ်တိုင်လည်း ဆင်ပေါ်မှနေ၍ မြားဖြင့်ရွယ်ကာ ''သိဒ္ဓတ္ထ၊ ပလ္လင်ပေါ်မှ ယခုပင်ဆင်းလော့''ဟု ဆို၏။ မာရ်စစ်သည်တို့လည်း ကြောက်အောင်လန့်အောင် အမျိုးမျိုးလုပ်နေ၏။ ထိုအခါ ဘုရားအလောင်းတော်ကလည်း သူ့ပါရမီဂုဏ် ကုသိုလ်ဟုန်ကြောင့် ပေါ်ပေါက်၍လာသော ပလ္လင်ဖြစ်ကြောင်းသိစေလို၍ ''ဟဲ့မာရ်နတ်၊ ငါသည် ဤပလ္လင်ကို အလိုရှိသဖြင့် ဘဝများစွာ ကမ္ဘာဘာတို့၌ မလှူဖူးသောအလှူမရှိ၊ ဤသို့ ဘဝများစွာက ပြုလာခဲ့သော ကောင်းမှုများကို ထား၍ ဝေဿန္တရာဘဝတစ်ခုတည်း၌ ခုနစ်ကြိမ်တိုင်တိုင် အလှူကြီးပေးခဲ့စဉ်က မြေကြီးသည် ခုနစ်ကြိမ်တိုင်တိုင် တုန်လှုပ်ခဲ့ဖူးလေပြီ။ ယခုအခါ ဤမဟာပထဝီမြေကြီးသည် ငါ၏သက်သေတည်း''ဟု ပြော၍  မြေကြီးကို လက်ညှိုးညွှန်လျှင် မြေကြီးသည် အိုးထိန်းစက်ကဲ့သို့ သွက်သွက်လည်ကာ သည်းထန်စွာ မြည်ဟည်းလေ၏။
    မြေကြီး၏အသံဖြင့် ကောင်းကင်တစ်ခွင်လုံး မိုးချုန်းသံကဲ့သို့ မြည်ဟည်းနေ၏။ မြေကြီး၏ အသံကြောင့် ကောင်းကင်တစ်ခွင်လုံး မိုးချုန်းသံကဲ့သို့ ဆူညံနေ၏။ ထိုအခါ ဂိရမေခလဆင်ကြီးလည်း ဒူးညွတ်လျက် ကျသွား၏။ မာရ်စစ်သည်တို့လည်း ခြေဦးတည့်ရာ ပြေးကြရလေ၏။ မာရ်နတ်ကိုယ်တိုင်လည်း ဆင်ကြီးကို ပစ်၍ ပြေးရလေ၏။ မဟာသက္ကရာဇ် ၁ဝ၃-ခုနှစ်၊ ကဆုန်လပြည့် ဗုဒ္ဓဟူးနေ့၏ အဖြစ်အပျက်ကို ဗုဒ္ဓဝံသအဋ္ဌကထာ၌ ဝသုန္ဓရေ မြေစောင့်နတ်လုံးဝမပါဝင်ပါ။ အပဒါနအဋ္ဌကထာတွင်လည်းကောင်း၊ မူလပဏ္ဏာသအဋ္ဌကထာ၊ ပါသရာသိသုတ်အဖွင့်တွင်လည်းကောင်း ရှာကြည့်ရာတွင်လည်း မြေစောင့်နတ်အကြောင်း စိုးစဉ်းမျှ မတွေ့ရပါ။ ထို့ကြောင့် ထေရဝါဒကျမ်းဂန်တို့တွင် ဝသုန္ဓရေ မြေစောင့်နတ်မရှိကြောင်း သိရပါသည်။
    မိမိတို့ငယ်စဉ်က မှတ်သားခဲ့ရသည်မှာ ဘုရားအလောင်းက မြေကြီးသို့ လက်ညှိုးညွှန်လိုက်ရာ မြေစောင့်နတ်က သက်သေခံ၏။ ဝေဿန္တရာဘဝက ချခဲ့သော အလှူရေစက်တို့ပင် ယခုထိ မခြောက်သေးကြောင်း ဆို၍ ဆံပင်ကို ရေညှစ်ပြ၏။ ထိုအခါ မာရ်နတ်နှင့် သူ့စစ်တပ်သည် ထိုဆံညှစ်ရေကြောတွင် မျောပါသွား၏ဟု ကြားခဲ့ဖူး၏။ ယခုမူ မိမိတို့ ငယ်စဉ်က ကြားဖူးခဲ့သော မြေစောင့်နတ်သည် ယုံတမ်းသဖွယ်ဖြစ်နေသည်။
    ထိုအကြောင်းကို ကံအားလျော်စွာပင် သက္ကတဘာသာဖြင့် ပုံနှိပ်ထုတ်ဝေသော လလိတဝိသျှတရ ကျမ်းတွင် တွေ့ရ၏။ ထိုကျမ်းတွင် ''ဘုရားအလောင်းက လက်ညှိုးညွှန်လျှင် ထာဝရာမည်သော နတ်သမီးသည် စကြဝဠာတိုက်တစ်သောင်းမှ  ထာဝရာနတ်သမီးပေါင်း တစ်သောင်းခြံရံလျက် လက်ညှိုးဦးတည်ရာ အရပ်မှ မြေကို ဖောက်ခွဲ၍ ကိုယ်တစ်ပိုင်းဖော်ကာ ထွက်လာ၏။ ထို့နောက် ဘုရားအလောင်းတော်အား 'ယောက်ျားမြတ်၊ သင်ပြုသော ကုသိုလ်ကောင်းမှုကို သင်သာအသိဆုံးဖြစ်သည်။ သို့သော် သင်၏ ကောင်းမှုကို ငါ သက်သေခံသည်'ဟု ဆို၏။ ကျန်သော ထာဝရာနတ်သမီးတို့ကလည်း ဟုတ်မှန်ကြောင်း ဝိုင်းဝန်းထောက်ခံကြ၏။ ထိုသို့ ထောက်ခံပြောဆိုသော အသံကို မာရ်နတ်ကြားလျှင် ရင်တွင်း၌ မခံမရပ်နိုင်အောင် ဖြစ်လာပြီး ထွက်ပြေးလေ၏''ဟု ဆိုထားပါသည်။
    ဤလလိတဝိသျှတရကျမ်းအဆိုအရ သက်သေခံသော နတ်သမီး၏ အမည်မှာ ထာဝရာဟု သိရပါသည်။ ထေရဝါဒကျမ်းဂန်ကား မဟုတ်ပေ။ ဒီပဲယင်းဆရာတော်၏ တထာဂတဥဒါနဒီပနီတွင်ကား ဝသုန္ဓရေ မြေစောင့်နတ်သားဟု ဆို၏။ ဆရာတော်လည်း ဤအချက်ကို ထေရဝါဒ၏အပြင်ဘက်တွင်ရှိသော ကျမ်းဂန်တို့မှ ထုတ်နုတ်ရေးသားထားခြင်း ဖြစ်၏။ ထို့ကြောင့် ဝသုန္ဓရေမြေစောင့်နတ်ဟူသည် ထေရဝါဒတွင် တကယ်ပင် မရှိကြောင်း အာဂမယုတ္တိအရ သိရပါသည်။ ဝသုန္ဓရေနှင့် ပတ်သက်၍ ''ဝသုန္ဓရာ ဆမာ ဘူမိ''ဟုသာ အဘိဓာန်၌ မြေကြီးဟော ပရိယာယ်ပုဒ်အနေဖြင့် တွေ့ရပါသည်။ အကယ်၍ မိမိ၏ စာပေမနှံ့စပ်မှုကြောင့် မတွေ့ရခြင်းဖြစ်မူ အချိန်မရွေး အမှန်ကို လက်ခံနိုင်ပါသည်။
    ထို့ကြောင့် လောလောဆယ် တွေ့ရှိချက်များကို ဆန်းစစ်ကြည့်လျှင် ဘုရားအလောင်းတော်အား မာရ်နတ်ကို ဝိုင်းကူတိုက်ပေးသော ဝသုန္ဓရေသည် ထေရဝါဒနှင့် မညီဟု ယူဆရပါမည်။ လောကသုံးပါးတွင် အမြတ်ဆုံး၊ ဘုန်းပါရမီ အမြင့်မားဆုံးပုဂ္ဂိုလ်က နတ်၏အကူအညီကို ယူရသည်ဆိုသည်မှာလည်း ဘုရားရှင်၏ပါရမီဂုဏ်ကို ညှိုးနွမ်းစေပါသည်။ ဗြဟ္မာမင်း၊ သိကြားမင်း၊ နဂါးမင်းတို့ပင် ကြောက်လန့်ထွက်ပြေးရသော မာရ်နတ်ကို သာမန်မြေစောင့်နတ်တစ်ဦးက အလွယ်တကူ အနိုင်ယူနိုင်သည်မှာလည်း လွန်စွာယုတ္တိမတန်၊ ဒဏ္ဍာရီဆန်လှပါသည်။
    ထို့ကြောင့် ထိုမြေစောင့်နတ်ယုံကြည်ချက်ကို မိမိစွမ်းနိုင်သမျှ လေ့လာသုံးသပ်တင်ပြလိုက်ပါသည်။

ကန်တော့ပွဲနှင့် သာသနာ့ထုံးတမ်း

           ''အရှင်ဘုရား...။ ဘယ်လိုအင်္ဂါရပ်တွေနဲ့ ပြည့်စုံမှ ဗုဒ္ဓအလိုကျ ကန်တော့ပွဲလို့ ခေါ်နိုင်မလဲဘုရား။ ဘယ်လိုကန်တော့ပွဲမျိုးကို ငှက်ပျောသီးဘယ်လောက်ထိုးရမယ်။ ကန်တော့ပွဲအမျိုးအစား ဘယ်လောက်ရှိတယ်၊ ကန်တော့ပွဲလုပ်တဲ့အတွက် ဘယ်လိုအကျိုးတွေရမယ်ဆိုတာ သိချင်ပါတယ်ဘုရား''

ဟု ဒကာတစ်ဦးက မေးလာပါသည်။
          ''ကန်တော့''ဟူသော စကားသည် အပြစ်ရှိလျှင် ကျေစေရန်၊ အပြစ်မရှိလျှင် ကောင်းကျိုးချမ်းသာ ဖြစ်စေရန် ဤရည်ရွယ်ချက်နှစ်မျိုးဖြင့် ရိုသေညွတ်ခ မာန်ကိုချလျက် လက်အုပ်ဦးတင် ရှိခိုးခြင်းကိုပင် ဆိုလိုပါသည်။ အပြစ်ကို ပြေစေလိုရာ၌ ပါဠိလို ''ခမာပေသိ''ဟု ခမ-သဒ္ဒါဖြင့် သုံးနှုန်းပါသည်။ ကောင်းကျိုးရလိုရာ၌ ဝန္ဒတိ၊ နမာမိ စသည်ဖြင့် ဝန္ဒဓာတ်၊ နမုဓာတ်တို့ဖြင့် သုံးနှုန်းပါသည်။ ဗုဒ္ဓသာသနာတော်၌ ကန်တော့ခြင်းနှင့် ပတ်သက်၍ ဤကဲ့သို့ လက်အုပ်မိုး၍ ရှိခိုးခြင်း အမူအရာကိုသာ တွေ့ရပါသည်။ ဤကဲ့သို့ မာန်ချကန်တော့သဖြင့် ''အသက်ရှည်ခြင်း၊ အဆင်းလှခြင်း၊ ချမ်းသာခြင်း၊ ခွန်အားကြီးခြင်း''ဟူသော ကောင်းကျိုးများ ရနိုင်ကြောင်းကိုလည်း ''အဘိဝါဒနသီလိဿ၊ နိစ္စံ ဝုဍ္ဎုာပစာယိနော''အစချီသော ဂါထာကို တွေ့ရပါသည်။
           သို့သော် မေးလာသူ ဆိုလိုသည်က ဤကဲ့သို့သော ကန်တော့ခြင်းမျိုးကို ဆိုလိုသည်မဟုတ်။ အုန်းသီး၊ ငှက်ပျောသီးစသည်တို့ဖြင့် ပွဲထိုးထာခြင်းကို ဆိုလိုခြင်း ဖြစ်သည်။ ထိုသို့ အုန်းသီး၊ ငှက်ပျောသီးစသည် တို့ကို အဆောင်သဖွယ်ထား၍ ပွဲထိုးသည်ကိုမူ စာရေးသူကိုယ်တိုင် ပိဋကတ်မနှံ့စပ်ခြင်းကြောင့်လော၊ ပိဋကတ်ထဲတွင် မရှိခြင်းကြောင့်လော မသိ၊ ထေရဝါဒပိဋကတ်တွင် မတွေ့ဖူးပါ။ ထိုဒကာ မေးလိုသော ကန်တော့ပွဲကား ''ဘုရားပွဲ၊ တရားပွဲ၊ သံဃာပွဲ၊ သာသနာပွဲ၊ ဝိဇ္ဇာဓိုရ်ပွဲ၊ မဟာလာဘံလာဘ်ဖွင့်ပွဲ၊ ဓနသိဒ္ဓိပွဲ၊ စန်းလာဘ်ဖွင့်ပွဲ၊ မဟာဇေယျံပွဲ၊ အနေကဇာတင်ပွဲ၊ အနန္တငါးပါးပွဲ''စသည်ဖြင့် များစွာရှိပါသည်။ စာရေးသူ မသိနိုင်သော အခြားနည်းလမ်းများလည်း ရှိနိုင်ပါသေးသည်။
          ယင်းတို့အနက် ထေရဝါဒဗုဒ္ဓသာသနာအတွင်းသို့ တိုက်ရိုက်ဝင်လာ၍ ဘုရားစင်ရှေ့၊ သံဃာတော်များရှေ့တွင် ရဲရဲတင်းတင်း နေရာယူထားသော ပွဲများမှာ ''ဘုရားပွဲ၊ တရားပွဲ၊ သံဃာပွဲ၊ သာသနာပွဲ၊ အနေကဇာတင်ပွဲ၊ အနန္တငါးပါးပွဲ''တို့ပင် ဖြစ်ပါသည်။ ယင်းကန်တော့ပွဲတို့ကိုသာ စိစစ်ရန်လိုပါသည်။ အခြားလောကီအစီအရင်ပွဲများကား သာသနာနှင့် မသက်ဆိုင်သဖြင့် စိစစ်ရန် မလိုပါ။
           ဘုရားပွဲတွင် ပါဝင်သော ပစ္စည်းများမှာ ''အုန်းသီးတစ်လုံး၊ ငှက်ပျောသီး သုံးဖီး၊ ကွမ်းယာ၊ သပြေပန်း၊ ဆီမီးတစ်တိုင်၊ ရေတစ်ခွက်နှင့် အခြားလှူဖွယ်များ''ဖြစ်သည်။ ယင်းတို့အနက် အုန်းသီး၊ ငှက်ပျောသီး၊ ဆီမီး၊ သပြေပန်း၊ ရေတို့မှာ ဘုရားရှင်နှင့် အပ်စပ်ပါသည်။ လှူဒါန်းသည့် အနေဖြင့် ပြုလုပ်မူ ကုသိုလ်ရနိုင်ပါသည်။ ကွမ်းယာကိုမူ ဘုရားရှင်အား လှူသင့်မလှူသင့် စဉ်းစားရန် လိုပါသည်။ လှူသည့်အချိန်မှာလည်း ဘုရားရှင်တို့ သုံးဆောင်တော်မူသည့် နံနက်ချိန်သာ ဖြစ်သင့်ပါသည်။ ယခုမူ ထိုသို့ မဟုတ်ပေ။ လှူဒါန်းသည့်အနေဖြင့် ပွဲထိုးခြင်းလည်း မဖြစ်နိုင်ပေ။ အဘယ်ကြောင့်ဆိုသော် ကန်တော့ပွဲထိုးပြီးသည်နှင့် ငှက်ပျောသီးများ မမှည့်မချင်း ဘုရားရှင်၏ ရှေ့တော်တွင် ချထားလိုက်ကြသည်။ မှည့်လျှင် စွန့်၍ စားကြတော့သည်။ မိမိစားမည့်ငှက်ပျောသီးကို မမှည့်ခင် ဘုရားရှေ့တွင် သိမ်းထားသည်နှင့်သာ တူနေပါသည်။
          ထိုမျှသာမက ပွဲထိုးသူတို့သည် အုန်းသီးကိုလည်း ဘုရားရှင်ဘက်သို့ကြွက်မြီးအညှာကို လှည့်ထားရမည်။ ကွမ်းယာကိုလည်း လက်ဝဲဘက်မှ စ,ခေါက်၍ လက်ယာဘက်ဖြင့် ထပ်ရမည်။ ထိုခေါက်ထားသော မျက်နှာပြင်ကို အုန်းသီးဘက်သို့ လှည့်၍ မျက်နှာအုပ်ညှပ်နည်းဖြင့် ညှပ်ရမည်။ သာသနာပွဲထိုးရာ၌ကား အုန်းသီးကို အလယ်တွင်ထား၍ ငှက်ပျောသီး ငါးဖီးကို နံဘေးမှ ပတ်ရံ၍ ထည့်ရသည်။ အနန္တငါးပါး ပွဲထိုးလျှင် အောက်ခြေ၌ ငှက်ပျောသီးနှစ်ဖီးကို အညှာချင်းဆိုင် ထား၍ အုန်းသီးကို အလယ်မှ ထည့်ရမည်။ ထိုငှက်ပျောနှစ်ဖီး၏ အပေါ်တွင် ကျန်ငှက်ပျောသုံးဖီးကို အုန်းသီးအား ပတ်ရံ၍ ထည့်ရမည်။ အုန်းသီး၏ ကြွက်မြီးအညှာကို ဘုရားရှင်ဘက်သို့ လှည့်ထားရမည်။ ကွမ်းယာကိုလည်း မျက်နှာအုပ်ညှပ်ရမည်။ ဤသို့ ထိုးမှသာလျှင် သိဒ္ဓိမြောက်သော ကန်တော့ပွဲဟု ဆိုကြောင်း သူတို့ ယူဆကြပါသည်။ ဤအယူအဆသည် လောကီနည်းအစီအရင်မျှသာ ဖြစ်ပါသည်။ သာသနာနှင့် မည်သို့မျှ မသက်ဆိုင်ပါ။ မည်သည့်သိဒ္ဓိ မြောက်၍ မည်သို့သော ကောင်းကျိုးရနိုင်မည်ကိုလည်း စာရေးသူမသိပါ။ သို့သော် ဗုဒ္ဓသာသနာနှင့် ဆက်နွယ်နေသဖြင့် သာသနာ့အလိုနှင့်ကား ညှိနှိုင်းပြသင့်သည်ဟု ယူဆမိပါသည်။
          သာသနာ့အလိုအရ ကန်တော့ခြင်း ပူဇော်ခြင်းမှာ အာမိသပူဇာ=ပစ္စည်းဝတ္ထုဖြင့် ပူဇော်ခြင်းနှင့် ဓမ္မပူဇာ=တရားဖြင့် ပူဇော်ခြင်းဟု နှစ်မျိုးရှိပါသည်။ ပစ္စည်းဝတ္ထုဖြင့် ပူဇော်လျှင် ဒါနမင်္ဂလာဖြစ်၍ ကောင်းမြတ်ပါသည်။ အပ်စပ်သော ပူဇော်ခြင်းမျိုး ဖြစ်ရန်ကား လိုပါသည်။ သို့မှသာ မိမိပြုသော ဒါနကုသိုလ်ကံ၏ ကောင်းကျိုးကို ရရှိခံစားနိုင်ပါလိမ့်မည်။
           အထက်ပါနည်းအတိုင်း ကန်တော့ပွဲထိုးရာ၌ ပါဝင်သော ပစ္စည်းများကို စိစစ်ကြည့်ပါက အုန်းသီး၊ ငှက်ပျောသီးတို့သည် နံနက်ပိုင်းတွင် အလှူခံ၍ ထိုနေ့နံနက်တွင်သာ သုံးဆောင်ကောင်းသော (ယာဝကာလိက) လှူဖွယ်ပစ္စည်းများသာ ဖြစ်ပါသည်။ သို့ဖြစ်၍ ထိုပစ္စည်းများကို လှူလျှင် နံနက်ပိုင်းတွင်သာ လှူသင့်ပါသည်။ နေမွန်းတည့်လျှင် စွန့်ပစ်သင့်ပါသည်။ လှူရာ၌လည်း ဆွမ်းတော်ကပ်သကဲ့သို့ ဘုရားရှင်နှင့် သံဃာတော်များ ဘုဉ်းပေးသုံးဆောင်ရန် အတွက်ဟုသာ အာရုံပြု၍ လှူသင့်ပါသည်။ ထိုသို့လှူမှသာလျှင် အလှူခံကောင်းပါသည်။ သို့သော် အုန်းသီးသည် အပင်ပြန်ပေါက်နိုင်သော (ဗီဇဂါမ်)ပစ္စည်း ဖြစ်သဖြင့် အလုံးလိုက် အလှူမခံကောင်းပေ။ ခွဲစိတ်၍ဖြစ်စေ၊ အပင်မပေါက်နိုင်အောင် ဖျက်ဆီး၍ဖြစ်စေ လှူမှသာ အလှူခံကောင်း ပါသည်။ ဤသည်မှာ ဝိနည်းဒေသနာနှင့်အညီ စိစစ်ပြခြင်းသာ ဖြစ်ပါသည်။
           ယခုပြုလုပ်နေကြသော ကန်တော့ပွဲများသည် တစ်ခါပြင်ပြီးသည်နှင့် ငှက်ပျောသီးမမှည့်မချင်း၊ အုန်းသီးမခြောက်မချင်း ဘုရားရှေ့တွင် ချထားလိုက်ကြသည်။ ငှက်ပျောသီးမှည့်လျှင် ဘုရားကို ကပ်ဖို့ပင် သတိမရတော့။ စွန့်၍စားကြတော့သည်။ ချက်ချင်းစား၍မရသည့် ငှက်ပျောသီးစိမ်းများကို ဘုရားရှေ့တွင် ပြန်ချထားကြပြန်ပါသည်။ ဤပုံစံဖြင့်သာ လှူပါက ဘုရားရှင်ကလည်း အလှူခံတော်မူမည် မဟုတ်ပေ။
           တစ်ခါက ဆတ္တာသည်ဘဝမှ သင်္ကန်းဝတ်လာသော သုဘဒ္ဒရဟန်းသားအဖသည် ဘုရားရှင်အား ဆွမ်းကပ်ရန် ရဟန်းဘဝဖြင့် ဆတ္တာသည်အလုပ် လုပ်၍ ငွေရှာ၏။ ထိုငွေဖြင့် ဘုရားရှင်နှင့် သံဃာတော်များအား ဆွမ်းကပ်၏။ ဘုရားရှင်သည် ထိုသုဘဒ္ဒသားအဖလှူသော ဆွမ်းကို အလှူမခံသည့်အပြင် ''မောဃ ပုရိသ=အလကားကောင်''ဟုပင် ရှုတ်ချတော်မူခဲ့ပါသည်။ မအပ်စပ်သော လှူဖွယ်ဝတ္ထုများကို ဘုရားရှင်တို့ အလှူခံတော်မမူသည်ကို သတိပြုသင့်ပါသည်။
           ထိုသို့ကန်တော့ပွဲထိုးခြင်းမျိုးသည် စားချိန်တန်မှ စွန့်ပစ်သဖြင့် ဘုရားရှင်အား လှူရာလည်း မရောက်နိုင်ပေ။ လှူရာမရောက်သဖြင့် ဒါနကုသိုလ်ကံမဖြစ်နိုင်၊ လှူသည့်လှူလည်း ဒါနအကျိုးကို မရနိုင်ပေ။ ဘုရားရှင်ဘက်သို့ အုန်းသီးအညှာကို လှည့်ထားသဖြင့် ဘုရားရှင်အတွက် အနှောင့်အယှက်ပင် ဖြစ်နိုင်ပါသေးသည်။ ထို့ကြောင့် ဗုဒ္ဓအလိုကျ ကန်တော့ပွဲမျိုးဖြစ်လိုလျှင် အပ်စပ်သော အချိန်၌ အပ်စပ်သော ပစ္စည်းဝတ္ထုဖြင့်သာ လှူဒါန်းပူဇော်ရပါမည်။ ယနေ့ပြုလုပ်နေသော ကန်တော့ပွဲမျိုးကား ဘုရားပွဲ၊ တရားပွဲ၊ သံဃာပွဲ၊ သာသနာပွဲဟုသာ ဆိုသော်လည်း သာသနာနှင့်မဆိုင်၊ လောကီပညာသက်သက်သာလျှင် ဖြစ်ပါသည်။ ထို့ကြောင့် သာသနာနှင့် ပတ်သက်သော ကုသိုလ်ကောင်းမှုအကျိုးကား မျှော်မှန်းသလောက် မရနိုင်ပါ။ လောကီအကျိုးရမည်မရမည်မှာမူ မိမိနှင့်မဆိုင်သဖြင့် ဤနေရာတွင် ချန်ထားလိုက်ပါတော့သည်။

သိကြားသာသနာ မရှိပါ

          အစဉ်အလာ ပြောကြတာက ဘုရားရှင်ပရိနိဗ္ဗာန်ပြုခါနီးတော့ သိကြားမင်းက လျှောက်တယ်တဲ့။ အရှင်ဘုရား ပရိနိဗ္ဗာန်ပြုပြီးတဲ့နောက်မှာ သာသနာတော်ကို တပည့်တော် ဆက်လက်စောင့်ရှောက်ပါ့မယ်ပေါ့။ ဘယ်ကတွေ့ပြီး ပြောကြတာလဲတော့ မသိပါဘူး။ အဲဒါနဲ့ လူကြီးတွေက
          ``သိကြားသာသနာနော်၊ မကောင်းသူပယ် ကောင်းသူကယ်လိမ့်မယ်၊ ကောင်းကောင်းနေကြ´´
လို့ လူငယ်တွေကို ခြောက်လုံးလေးတွေနဲ့ ဆုံးမလေ့ရှိကြတယ်။ လူငယ်တွေကလဲ သတ္တိခဲတွေ။
          သိကြားမင်း သာသနာစောင့်မစောင့် ကိုယ့်ဘာသာပဲ စဉ်းစားကြည့်ပါ။ သူ့မှာ မိဖုရားပေါင်းက နှစ်ကုဋေနဲ့ ငါးသန်း ရှိသတဲ့။ သာသနာကို သတိတောင် ရမယ့်သူ မဟုတ်ဘူး။ အဲဒီသိကြား မိဖုရားလောဘကြီးပုံကို နောက်များတော့ ရေးပြအုံးမယ်။ သိကြားစံရာ တာဝတိံသာမှာတစ်ရက်ကို လူ့ပြည်မှာ နှစ်တစ်ရာရှိတယ်တဲ့။ အဲဒါလေးတော့ မှတ်ထား။ ဘုရားပရိနိဗ္ဗာန်စံပြီးလို့ နှစ်သုံးရာတောင် မပြည့်ဘူး။ အိန္ဒိယမှာ သာသနာလဲ ပျက်တော့တာပဲ။ တကယ်တမ်းသာ သိကြားက ဘုရားရှင်ဆီမှာ ကတိပေးခဲ့တယ်ဆိုရင် သူ့ကတိပေးပြီး သုံးရက်တောင် မခံဘူးပေါ့။ အိန္ဒိယရဲ့ လက်ကျန်မဟာယာနသာသနာလေးတောင် မရှုမလှ ပျက်သွားတာလေ။ မဟာယာန ရဟန်းပေါင်း တစ်သောင်းလောက် တက်နေတဲ့ နာလန္ဒာတက္ကသိုလ်ကြီးဆိုရင် ဘာသာခြားတွေက မီးနဲ့ရှို့တာ တစ်လလောက်တောင် မငြိမ်းဘူးလို့ ဆိုတယ်။ ဘုန်းကြီးခေါင်းတစ်လုံးဖြတ်နိုင်ရင် ဆုတော်ငွေ တစ်ထောင်ပေးမယ်ဆိုလို့ ဘုန်းကြီးတွေကို လိုက်သတ်တာ ဘုန်းကြီးတွေလဲ အိန္ဒိယမှာ ပြုတ်ပြုတ်ပြုန်းတော့တာပဲ။ အဲဒီသိကြား ဘာဖြစ်လို့များ လာမကယ်ပါလိမ့်။
          သာသနာက သီဟိုဠ်(သီရိလင်္ကာ)ဘက်ကို ရွေ့သွားတယ်။ သီရိလင်္ကာမှာလဲ ဒီလိုပဲ။ ကျေးကုလားတွေ မင်းပြုတဲ့ ၁၂ နှစ်အတွင်း ဘုန်းကြီးတွေ တောထဲ သွားပုန်းနေကြရတယ်။ ဆွမ်းကပ်မယ့်လူမရှိ စားစရာခက်ခဲလို့ သဲလေးတွေပုံပြီး သဲပုံပေါ် ၀မ်းလျားမှောက်ပြီး နေကြရတယ်။ အဲဒီခေတ်က စာအုပ်စာပေကလဲ မပေါ်သေးလို့ ပိဋကတ်တွေ မပျောက်အောင် သဲပုံပေါ် ၀မ်းလျားမှောက်ပြီး ရွတ်နေကြရတာ မြင်ယောင်ကြည့်ပါ။ ဘယ်လောက် ဆင်းရဲပင်ပန်းပြီး သနားစရာကောင်းလိုက်လဲလို့။ အဲဒီအချိန်က ဘုရားရှင်ပရိနိဗ္ဗာန်ပြုပြီးလို့ နှစ်ပေါင်း လေးရာကျော်ကျော်လေးပဲ ရှိသေးတယ်။ သိကြားမင်းစံတော်ချိန်နဲ့ဆို လေးရက်လောက်ပဲ ရှိသေးတယ်။ ကိုရွှေသိကြား ဒီတုန်းကလဲ ကြည့်နေခဲ့တာပဲ။ ဘုန်းကြီးတွေ စောင့်ရှောက်ခဲ့လို့သာ ပရိယတ္တိသာသနာဆိုတဲ့ စာပေကျန်းဂန်တွေကျန်နေတာ။ ပိဋကတ်သုံးပုံ ကျန်နေတာ။ ပိဋကတ်သုံးပုံကျန်နေလို့ပဲ သာသနာကျန်နေတာ။ ပိဋကတ်သုံးပုံပျောက်ရင် သာသနာပျောက်မှာ။
          မြန်မာနိုင်ငံရောက်တော့လဲ ဒီလိုပဲ။ ဂငယ်သုံးခု ဥသျှစ်ထုတဲ့။ ၈၈၈-ခုနှစ် အင်းဝခေတ်မှာ မင်းတက်တဲ့ သိုဟန်ဘွားမင်းက ဘယ်လိုအတွေးချော်လဲဆိုတော့ ဘုန်းကြီးတွေဆိုတာ သားမရှိ မယားမရှိတွေ။ သံယောဇဉ်နည်းတဲ့လူတွေ။ ပုန်ကန်ချင်ရင် ဘာမှ ငဲ့စရာမရှိဘူး။ အန္တရာယ်ရှိတဲ့လူသားတွေအဖြစ်မြင်တယ်။ ဒီတော့ မြို့ပြင်မှာ မဏ္ဍပ်ကြီးဆောက်ပြီး ဘုန်းကြီးတွေကို ညာပြီး ဆွမ်းစားပင့်တယ်။ ဘုန်းကြီးတွေကလဲ ပုထုဇဉ်တွေကိုး ဘာသိမှာလဲ။ ဘုရင်ပင့်တဲ့ ဆွမ်းစားဆိုတော့ သူသူကိုယ်ကိုယ် ကြွချင်တာပေါ့။ ဘုရင်လဲ မြင်ဖူးချင်တာကိုး။ အဲဒီမှာ ဆွမ်းဘုန်းပေးနေတုန်း ရှိသေးတယ်။ မပြောမဆိုနဲ့ တပ်နဲ့ဝိုင်းပြီး သတ်တာ။ တော်တော်လေး ပျံလွန်တော်မူတယ်။ ကျောင်းတွေကိုပါ ဆက်ပြီး မီးနဲ့ရှို့သေးတယ်။
          အဲဒီတုန်းက တောရွာတစ်ရာက အရှင်ခေမာစာရဆိုတဲ့ ဘုန်းကြီးက ညဘက်ကြီးအချိန်မတော် စည်ထတီးတယ်။ အချိန်မတော် ဒီလိုစည်တီးတာဟာ ဘုန်းကြီးပျံလို့ တီးကြတာဆိုတော့ ရွာထဲကလဲ ဘုန်းကြီးပျံတော်မူတယ်ထင်ပြီး ကျောင်းလာတော့ ဘုန်းကြီးတွေက ငုတ်တုတ်။ ဘာဖြစ်လို စည်တီးတာလဲ မေးတော့ သိကြားသေလို့လို့ ဖြေတယ်။ သိကြားသေတာကို အရှင်ဘုရားက ဘယ်လိုသိလဲ လျှောက်တော့ သာသနာကို စောင့်ရှောက်ပါမယ်လို့ ဘုရားရှင်ဆီမှာ ကတိပေးတယ်ဆိုပြီး သာသနာ ဒီလောက်နှိပ်စက်ခံနေရတာကို ဒီသိကြားက ဘာမှ မကယ်တင်တော့ သေသွားလို့ နေမှာပေါ့လို့ ခပ်ရွတ်ရွတ် ပြန်ဖြေသတဲ့။ အဲဒါသတိရပြီး ၂၀၀၇ - တုန်းကဆို ကိုယ်လဲ စည်တီးချင်လိုက်တာ။
စာလဲ ရှည်သွားပြီ။ တကယ်တမ်းတော့ သာသနာကို စောင့်ရှောက်တာ သိကြားလဲ မဟုတ်ဘူး။ သူရဿတီလဲ မဟုတ်ပါဘူး။ စာပေကျန်းဂန်တွေကို ကြိုးစားပမ်းစား အငတ်ခံ သင်နေကြတဲ့ စာသင်သားတွေပါပဲလို့ ဖြေခဲ့ပါတယ်။ ဘာအလုပ်မှ မလုပ်ပေးနိုင်တဲ့ မမြင်ရတဲ့ အဲဒီသတ္တ၀ါတွေကို သိပ်လဲ အထင်ကြီးကိုးကွယ်မနေကြနဲ့။ ဒူးလဲပွန်း နဖူးလဲ ပွန်းကုန်ကြပါ့မယ်။
အားလုံ့း မိမိတို့ကိုယ်ကို ကောင်းမွန်စွာ ရွက်ဆောင်နိုင်ကြပါစေ